業主負責工程比新租客容易

　　今早開例會，有同事話昨晚與一個新租客睇樓，即睇即租，今早簽租約，本來新租客已經睇啱不是我們的豪宅，但業主不負責室內工程，要由租客自己搞掂，租客覺得很麻煩，立刻轉租我們單位，我話請大家食午餐，不過老實說，單一業主負責室內工程是比較麻煩，集團式業主一定唔會拒絕，除了香港政府。

　　我唔知點解，香港政府拍賣土地，很多時都留返一些手尾給奪標者，我有一個老友買了一幅地，其中有一個條款要佢搬走一棵樹，政府負責搬樹的部門只有兩個人，搞了一年才搬走那棵樹，搬樹很少錢，但土地一年利息很多錢，政府點解唔預先將棵樹搬走才拍賣，政府自己做，兩三日就搞掂，有心買土地的人可以俾多啲錢，無形中增加庫房收入，何樂而不為。

　　政府話將會改變策略，能夠做的都預先做咗，令到買土地的人不用負責那麼多枝節，有咁簡單得咁簡單，不但可以得到高價，仲減少流標機會，政府始終睇通了。