告抑或唔告

　　今早開例會時，秘書話大老闆知道張一鳴三個月前出了一個YouTube ，話我身家蝕了一半，當時點解我唔出律師信俾張一鳴，老闆可能唔知道，少不忍則亂大謀，如果當時我出律師信，一定會俾張一鳴話我身有屎，所以發爛渣出律師信，而事實上張一鳴的YouTube 出了之後，銀行的確有查數，不過，所有貸款都合乎標準，銀行並沒有call loan，事情應該告一段落，不過，張一鳴的確俾我很大麻煩，如果銀行查數唔合格就大件事，他為了自己YouTube 流量而唔理別人感受，的確有違常理。

　　秘書話，老闆已經吩咐律師團隊，如果我要採取法律行動，隨時都可以，公司全力支持，我話公司很多嘢做，唔得閒搞那些事，不過並不是放張一鳴一馬，會交俾律師團隊處理，告唔告由律師團隊話事。