去深圳消費偶一為之還可以

　　昨日去睇羽毛球，可惜香港混雙輸了，見到一個已退休朋友，記得那人在大約三、四十年前，我們經常在週末飛上海，週一早上回港，去上海做乜，飲吓酒，食吓嘢，不過，試過幾次之後，大家都冇去上海度週末，除非有工作，而事實上當時有很多高收入的人，週末都會飛上海，不過，都唔捱得幾耐，而事實上無無謂謂浪費了週末，應該在香港休息一下，星期一又開始博殺。

　　近日有很多人話去深圳消費，我覺得很奇怪，三、四十年前，香港人已經去深圳消費，點解當時唔講，現在才講，其實，去深圳消費又去得幾多次，車程都用了唔少時間，消費又慳唔得幾多，老實說，我唔敢話比人知我無啦啦去深圳食飯，費事畀班老友話我洗唔起錢，如果講高消費，包括高端服務，香港一定好過深圳，不過很多人唔知道，只識得話深圳好，長途跋涉，好都變咗唔好。