在盧旺達可以用中文交流

　　昨晚家宴，請了幾個朋友食飯，其中一個近日去過盧旺達，大家都想八卦一下，原因是英國去年4月有一個救生艇計劃，將非法去英國又唔返得去自己國家的難民，全部送去盧旺達，本來唔關移英港人的事，只是擔心在現在以BNO去英國的香港人，5年之後唔准入申請移民，但是他們又唔想返香港，唔知英國會不會送他們去盧旺達。

　　老友話盧旺達絕對不恐怖，有非洲新加坡之稱，人口1300萬，首都基加利，常用語用法語，英語以及普通話，並不是去了盧旺達的中國人用普通話，而是不少盧旺達人或者非洲人識講普通話，好多地方都有中文字，仲可以用人民幣買嘢，除了內地人，台灣人也不少，既然台灣人都會移民去盧旺達，估計亦不會太差，所以，即使要去盧旺達生活都不用擔心。大家仲有好多話題，所以談及盧旺達的不多。