煙花最後的燦爛

　　昨晚食飯時，老婆話在日本排放核污水之前，會同幾個大媽去日本玩，但原來好爆，叫我搵禤生幫她們組團，我話禤生啲團好貴，但質素很好，老婆當然冇問題，但是她的大媽朋友接唔接受，原來，我只是過慮，老婆啲大媽朋友都好有錢，甚至擔心啲錢唔知點用，況且今次去日本，可能是最後一次，因為在核污水排放之後，如果日本海產有輻射問題，或者血癌病例增加，歐盟再次禁日本食物入口，咁樣以後就唔會去日本。

　　唔講大家唔知，近日日本旅遊很旺，很難訂到房間，其中一個原因是疫情令到有不少日本酒店結業，現在房間最多是疫情前七成，與此同時，亦多了很多人去日本，心態與老婆和她的大媽朋友一樣，去埋今次可能以後都唔會去，煙花在最後的時候是最燦爛，不過，我始終唔相信日本夠膽排放核污水入太平洋。