有市場，產品才會進化

　　中午食飯時見到一個老友，佢問我用緊 iPhone 幾，我話14 ，老友唔明白，點解 iPhone可以出到14，15都好快出現，很簡單，就是有市場，有市場代表資金鏈不斷，有錢繼續硏發，如果冇市場，iPhone 7、8都未必去到，所以，市場對於產品來說是非常重要，如果不是有壓力，唔會主動放棄市場。

　　不過講就係咁講，荷蘭佬唔同意，到今年9月1日，ASML光刻機因國安問題，不能賣到內地，換句話說，ASML放棄中國市民，中國反制，限制鎵、鍺出口，搞到荷蘭首相呂特以難民問題辭職，其實，就算中國唔反制，ASML都唔會捱得耐，高科技產品，一定要投資很多開發費，如果冇市場，產品自動會到了盡頭，所以，真係唔明白荷蘭點解要停止售賣光刻機畀中國，最大原因就是美國有投資荷蘭ASML光刻機，而且仲揸住關鍵性零件，ASML冇辦法唔聽話，這是唯一可能性。