順差，逆差

　　復活節假期最後一日下午，一個人在屋企聽下老歌，當聽到徐小鳳的順流逆流，令我想起現在大家經常提及的順差逆差，大多數人認為一個國家順差好過逆差，本來是冇錯，但仍然不能夠一概而論，但有一個國家是逆差好過順差，這就是美國。

　　我很懷疑特朗普識唔識政治經濟，其實，佢只要識一樣，就唔會以美國對中國逆差為理由開徵貿易關稅，記得特朗普第一次開徵關是10%，中國廠家咬緊牙關照付，第二次25%，廠家無法支付，改由美國入口商代支，這亦是美國通脹上升原因之一，特朗普當時話，只要加25%關稅，每年有3000多億收入，於是出現一個問題，點解只是特朗普諗到，以前的美國總統諗唔到，其實，所有美國總統都知道，只是印公仔紙就可以買到中國貨物，根本唔使理順差抑或逆差，而特朗普為了降低逆差，竟然由美國入口商代為支付，輸到頭崩額裂仲以為贏咗，真係要寫個服字。

　　美國一直以印銀紙來解決問題，逆差是必然的事，如果美國順差，代表美國輸出的貨物比入口多，亦代表美元霸權殞落，所以，順差對於美國來說，並不是一件好事。