昨日有老友同我講，香港真係唔掂，連一向受到香港人歡迎的百貨公司亦要執笠，估計先執九龍，後執香港，所以，樓價又點會上升，睇怕我今年又預測錯誤。
老友今日一早到公司搵我，佢話昨日的消息不準確，冇錯百貨公司在尖沙咀的分行結業，不過就搬去啓德，地方大好多倍，不過老友不明白，百貨公司搬去啓德並不是秘密進行，傳媒應該早已知道，點解昨日唔講搬遷，而是講結業，今日再出新聞話搬遷，是否誤導市民，或者是吸眼球。
老友不明白，我也不明白，唔知點解香港傳媒唔想香港好，報醜不報好，好似樓市報導，那些劈價蝕讓就會大大聲講，賺錢的提也不提，令到不了解市況的人以為樓市大冧，所以，在香港睇新聞，真相可能是隱藏在背後，並沒有報導出來。
