老闆唱淡，搵到平價賣盤已經算是完成任務

　　今早跑完步回家時，見到一個物業代理在山莊門口問業主賣唔賣樓，我覺得很奇怪，代理應該搞什麼開放日買樓，點解會問業主賣唔賣樓，代理話老闆唱淡樓市，就算有人買樓都是希望大幅低於市價，但願意以低價出售物業的業主又不是太多，所以唯有貼身問業主是否願意賣樓，希望有一些業主不了解實際情況而低價賣樓。

　　我有時都不是太明白，物業代理老闆唱淡樓市，伙記又點會叫到人買樓，我以為老闆是不食人間煙火，冇生意都唔緊要，唔會向伙記捽數，原來又唔係，自己唱淡樓市是一件事，伙記搵人買樓是另外一件事，但現在買樓的人實在太精明，不是業主大劈價，甚至大幅低於市價，根本不會考慮，所以，物業代理要周街問人賣唔賣樓，如果搵到一個平價樓盤，都可以說是完成任務，因為一定可以搵到買家。