你計嗰條數表面上雖然冇錯，不過只係一條死數，並非可以幫助做投資決定嘅完整計算。
如果可以將收益或損失乘以機會率，計出期望值（expected value)，咁就似樣嘞！
真正要計呢條數，最少要加入另外兩個元素：
1. 訂立一個合理投資期，方便進行回報和風險評估
環境不斷在變，時間越長，牽涉嘅風險就越大，不確定性越高，所以有一個合理嘅投資期非常重要。
2. 上升和下跌幅度的機會率評估
要算出這機會率，就要評估，你買入或沽空嘅資產質素、經營環境，還有在投資期內政治和經濟大環境的影響。
如果沽空的是一隻炒到過晒龍嘅垃圾股，仲要借到爆晒倉，發咗大量美元債，而收入全是非美貨幣結算，如今美國一直加息，美元一直上升，經濟一路下滑，你又認為一年內佢跌到零嘅機會大，定係升一倍、兩倍、10倍嘅機會大？
如果一年內70%機會跌一半，30%機會升超過兩成，咁應該渣定沽？
還有，投資並唔係一個一錯到底嘅決定，必須定出一個合理嘅止賺止蝕價位，應對不同嘅市況，當情況有變，就要識執生了。
你嘅計算對作出投資決定不但沒有幫助，反而令人幻想只要買入股票，有機會贏死，沒機會輸死。
其實無論買入定沽空，最緊要知道自己在做什麼，點解咁做，唔係攞住一條死數做投資。否則就真係有輸死，冇贏死嘞！
唔肯放，認為仲有大幅上調空間，便會話估底莫估頂，點解我會咁講。