投資股票嘅人，首先要學會點樣衡量股票嘅價值。如果連股票價值點樣衡量都唔識，求其亂買一隻，這就是貪婪，根本唔使睇個市係恐懼定貪婪都知。
試諗諗，如果你當股票係一種投資，會唔會淨係睇個市貪婪定恐懼就入市？連間公司業務前景，賺錢定蝕本都唔知，連財務報表都未睇過，再衰啲嘅，有啲連間公司做咩生意都唔知就話要買，呢班盲毛，不論係買定賣，講到尾只係希望搏大霧賺番筆，根本唔係喺度投資，呢啲唔係貪婪係咩？
升市就鬧炒家，跌市就鬧人沽空，係唔識股票嘅人先會講。你明知一個橙值五蚊，有人突然喺隔離舖頭，借箱橙返嚟賣四蚊一個，如果你係識貨嘅，你會買多幾個，定係驚到連自己用四個半買嘅橙都賣走？ 說穿了，這就是識貨與唔識貨嘅分別。
一隻股票明明值十蚊，有傻佬借貨返嚟六蚊賣畀你，我多謝佢都嚟唔切囉！問題係你知唔知隻股票在客觀環境下，到底幾錢買先合理。
任何投資嘅估值，包括物業，其實都係同無風險利率直接掛鉤，呢個本來就係最基本嘅估值概念。 2022年利率狂升，令股票樓價估值下跌，其實非常合理，加上地緣政治局勢緊張，增添額外負面因素，解封無期，最近美俄兩邊仲一齊玩導彈演練，當資源去晒打仗，正常生產自然減少，物資自然短缺，通脹自然飛天，加息自然持續，資產估值自然下跌，消費意欲自然減少，資產唔跌先係唔正常啊！所以我都唔明點解會咁多俄狗歡迎打仗呢。
所謂練拳不練功，到老一場空，就是這個意思。
賣股票，因為恐懼才會買股票，