抽中都唔要，點解要申請

　　有老友同我講，樓市氣氛很弱，即使超額認購幾十倍的綠置居，有申請人表示，樓市形勢不佳，就算抽到都唔要，老友有多少奇怪，既然那些人話抽到都唔要，點解仲要去抽，疊埋心水住公屋好過啦。

　　老友唔知道，這是做淡樓市的技術，假定那人抽到，當傳媒訪問他時，他就會說，樓市太弱，即使41折，抽到都唔要，可想而知，抽到都唔要這個訊息對樓市影響幾大，不過今次講早咗，未抽已經話抽到都唔要，被人睇到那些申請人是有唱淡樓市機心。

　　撇開機心這回事，不少人，就算幾有錢的有錢佬，抽到獎都會要，不過會送給其他人，甚至送出更多，所以，電騙案亦有這招，話問閣下抽到獎，但要繳交一筆費用，才可以攞到龐大獎金，而事實上有不少人願意付出一筆費用，不是他們貪心，而是唔敢唔要上天的禮物。