有杞人憂天的老友話，香港銀行體系結餘由3300億下降至1250億，距離1000億警戒線不遠，如果跌至1000億，香港銀行就要加息，樓市有危機。
我問老友銀包有幾多錢，老友話皮零嘢，如果跌低過一萬蚊，佢就會去銀行戶口攞錢，得幾千蚊傍身似乎唔係幾夠，我話銀行體系結餘就好似一個銀包，如果跌低過1000億，甚至500億，將會由儲備撥一筆錢過去，其實有乜好擔心，不過，銀行體系結餘太低的確要加息，否則資金會不斷離開，陳茂波講到好白，下次美聯儲局加息，香港銀行就要跟隨，估計美聯儲局最多再加三次息，每次0.5％，香港就會加1.5％，相信一般業主是可以捱得住，唔使驚到要賣樓。
