美國買樓，銀行唔批按揭，不用撻訂

　　在中午前，有老友來公司吹水，佢話有報道指美國在加息之後，有60000宗按揭，大約佔整數15％，不獲批准，買家迫住要撻訂，如果香港加息，同樣情況一樣會發生在香港。

　　我話香港不同美國，香港買樓的人要做壓力測試，證明加息3％仍然可以頂得住，我估計香港不會加息3％，況且近日銀行體系結餘又冇資金流走，一個月拆息下降了0.3％，暫時應該唔會加息，美匯咁強，超108，美聯儲局應該不用加息，估計七月份是最後一次加息，薅完羊毛，美匯同美債息都會下跌，如果仍然保持咁高息，美國有個金山都唔掂。

　　據報道的新聞唔係幾專業，如果在美國買樓，有一件款叫subject to finance ，意思是要得到銀行批核按揭，否則買家有權唔買，業主冇權殺訂，所以話買家因加息撻訂就不對，除非已經獲得銀行批核，而買家擔心加息而撻訂，不是沒有，估計是很少，我同老友講，唔好成日講唔開心嘢，去食意大利餐，鬼妹做招待。