今日早上有一個移民離開的朋友打電話俾我，佢話香港明日回歸，可能狂風暴雨，我話，天有難測的風雲，當局應早有準備，不用擔心。
我經常都收到一些移民離開的人電話，他們不是講在目的地的生活，而是講香港近期鎖碎的事，我有時都會話，既然已經離開，唔好理香港咁多，應該努力適應新生活，融入當地社會，我知道咁樣講對方一定很冇癮，但我唔講，對方又會不停打電話給我，例如近日有不少樓盤蝕讓，我話香港經歷一年社運，兩年半封關，現在情況，可以講還可以，至於蝕讓，就好似打場風，一定會有一些落葉，不如關心一下當地的大罷工有冇影響自己生活，咁樣講，我知道對方唔會再搵我，其實，移民亦要全身以赴，唔好移民不移心。
