昨晚與客戶食飯，去到酒樓的時候，公關大姐話一陣間入嚟同我飲杯，因為佢要離職，這幾晚老闆特許她與熟客飲酒，我問是否紅鸞星動，大姐話仲開心過嫁人，她復職，返國泰返工，我當然恭喜。
入到房間，客人已經準備好一份禮物給公關大姐，老實說，自從大姐入職酒樓之後，整個酒樓服務質素提高了不少，而事實上國泰停航，一班空姐好似堂前燕一樣，飛入尋常百姓家，將香港服務業整體質素提高了不少，或者這是錯有錯著，不過，又不是每一個國泰空姐都可以復工，因為在疫情期間，國泰亦培育了不少空姐，估計五個空姐有一個可以復工，以舊帶新，應該會有好成績。
老闆入嚟，客人問公關大姐走了之後，服務質素會不會下跌，老闆話，其他酒樓他不知道，這間酒樓一定不會，就算變壞都要用幾年時間，叫我們多啲幫襯。
