小澤欲哭無淚

湯文亮博士

紀惠集團行政總裁

2022年5月24日

　　我相信大多數昨日睇完拜登回答記者，倘若中國武統台灣，美國是會介入，不過大前提是美國承認一個中國政策以及所有附加條件，即是不會搞一中一台，這與九二共識大同小異，台灣昨晚可以瞓番一個安樂覺，但有一個聽完之後欲哭無淚，就算中國武統台灣，都是關乎一個國家統一，但俄羅斯入侵烏克蘭，拜登竟然唔敢出聲，仲話台灣地位比烏克蘭重要，小澤今次真係信錯大佬。

　　其實台灣總有一日回歸國，現在由民進黨執政，當然是比較困難，今日國民黨雖然扶唔上壁，但總有一日龍穿鳳，唔通日日褲穿窿，到國民黨上台，統一自然水到渠成，又何需武統咁大陣仗。

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱

密碼

1. 引刀一快 2022-05-24 16:46:39

拜燈都唔係唔出聲㗎，剛剛開始打烏克蘭果時，講明喺社交媒體不再關注普京，問你怕未？依家梗係唔出聲喇，對付俄佬就係揼雞，兼揼波鐘，一切盡在不言中，開咗口，反而可能會俾口實俄佬下台。

對中國就友善得多，講明美國出手，國內無論軍方同百姓都唔想同美國開戰，大條道理韜光養晦，要鬧就鬧美國佬，最衰佢喇，阻頭阻勢，搞到冇得打仗。

2. 2022 2022-05-24 20:08:17

全世界睇住阿速鋼鐵廠幾千個烏克蘭守軍集體投降，小澤就真正係欲哭無淚。不過更加欲哭無淚嘅係台灣菜小姐，因為今日拜燈同記者講，佢嘅意思係維持「一中政策」不變。