昨日母親節，同幾個母親食晚飯，有母親問，美國通脹去到8.5％，點解美國唔減已加徵的中國貨物入口關稅舒緩通脹，我話不超過三個月就會減，現在是否減關稅由三個母親話事，耶倫以及雷蒙多贊成，但華裔戴琦恐怕俾人講閒話，所以唔敢贊成，但減關稅的條件已備，現在只欠東風，當東風吹起，就算戴琦唔贊成都會減關稅。
東風是什麼，就是通脹，現在俄烏衝突，美國加息，美元回流，美匯強勁，通脹已經下跌，如果減免關稅，通脹會下跌1.3％，有機會從現在的8.5％下跌至不足5％，大家睇到通脹跌勢強勁，美國未必需要加息，但現在減關稅，即使通脹率下跌至7.2％，就算美元回流，通脹跌多2-3％，結果雖然是一樣，但震憾性始終不大，不如等通脹下跌，屆時又減關稅，效果就好得多，幾位母親都話不明白，我話身在福中，唔明好過明。
