我在第一次買樓時，銀行要求我老闆做擔保人，並且話已經得到他的同意，我話老闆同意，我唔同意，點解要欠老闆人情，我又同老闆講，佢要簽擔保，代表我的人工不夠，應該加我人工，最後，銀行不用擔保人。
不少業主擔心租客冇租交，要求租客在簽約時搵一個擔保人，現在香港人在英國租樓，已經是必備條件，我從來不需要，有租客問我點解，我話唔想他們欠別人人情，錢債易還，人情債難還，所以，我們的物業出租率不錯，如果我要租客搵擔保人，最少多一成空置率。
搵人做擔保，欠了一個唔知點還人情，我聽過有兩個朋友爭執，最後不合理的一方話，如果不是當日替對方簽擔保，他連樓都買唔成，爭吵的另一方語啞，所以，做業主有做業主風度，唔想租就唔想租，唔好叫對方搵擔保人。
