日元，台幣點解咁弱

　　今早台灣老友來電，話近日台幣很弱，我存放在台灣的台幣唔見了很多，老實說，我唔想放在台灣，但賺咗攞唔走就冇辦法，真的可以講焗賭。

　　台灣紙水弱，在亞洲區只是排第二，第一是日本，唔見了十幾個％，如果解封，一定會有很多人去日本旅行購物，一路玩一路話抵抵抵，不過，在日本買了樓的人就大鑊了。

　　日本台灣點解在跌幅榜排行一二，很簡單，就是資金撤離，回歸到美國，所以美元走強，老友話不明白，資金去美國不怕制裁，老友可能唔知道，我們經常話最危險的地方是最安全，即是話最安全的地方是最危險，俄羅斯人以為瑞士最安全，誰不知俄烏衝突之後，資產立刻被瑞士凍結了，放在美國反而唔會，如果美國隨時可以凍結其他人資產，又點會有人放錢在美國。

　　美國雖然唔會凍結別人資產，但可以叫其他國家凍結，尤其是那些參與制裁俄羅斯國家，在亞洲，日本台灣也在其中，外資點解唔走，如果唔信，問吓外資大行。