殺君馬者道旁兒

　　有朋友同我講，今次真係俾班老友害死，他幾個月前打算買一個物業，問吓老友意見，想唔到全部意見一致叫佢買，所以毫不猶豫買了那個物業，現在樓價下調，如果現在才買就會慳了很多，或者可以買到更高樓層單位。

　　好彩老友冇問我，否則我也是俾同一答案，稍為有經驗的人都唔敢叫人唔買樓，萬一樓價升了，叫人唔買樓的人就會被打算買樓的人埋怨一世，而事實上有很多人並不打算買樓，問人意見只不過是炫耀一下，證明自己有實力買樓，既然如此，又何必潑人冷水。

　　最壞的情況就是打算買樓的人本來是不夠實力，心態亦很猶豫，故此問一問其他朋友，誰不知他的老友驚佢唔死，不斷催谷他買樓，又話可以替佢搵財務公司借錢，令到那人迷失了方向，不能準確計算自己的供款能力，最後物業變成銀主盤，買樓的人最後知道，呐喊助威者才是殺人兇手。

　　有人話，當日烏克蘭澤連斯基話不加入北約，相信俄羅斯普京不會入侵烏克蘭，俄羅斯未正式侵入烏克蘭的時候，澤連斯基收到不少支持聲音，但當俄軍侵入烏克蘭之後，那些吶喊助威者只是禮到人不到。現在整個烏克蘭都是戰場，都唔知點收科。

　　有人話普京太狠，亦有人話澤連斯基不懂分寸。其實，不關澤連斯基的事，如果他知道不會有任何一個國家進入烏克蘭與他共同面對俄羅斯，他一定不敢與俄羅斯開戰，要怪就怪那些在旁邊的呐喊助威者，如果他們唔出聲支持，烏克蘭就不會搞到今日咁嘅局面，殺君馬者道旁兒。