昨食飯時，老婆話連武打師傅都走出嚟選特首，令到特首身價大降，現在人人反林鄭，如果俾師傅選到，香港點算好。
老婆又不用擔心，選特首要150張提名票，雖然大家反林鄭，但估計師傅唔會攞到足夠票數，甚至連10張提名票都攞唔到，換句話說，連陪跑都未夠班，現在最麻煩的是夠班的唔肯出嚟，唔夠班的飆出嚟。
我問過一個非常夠班的人點解唔出嚟選特首，佢話在香港咁多年，欠落不少人情債，如果做特首，還債都還死，唔夠膽選特首，由此來看，港人治港未必有利香港，試問有邊個香港人沒有欠其他香港人人情債，林鄭已經是最少，就算大家唔鍾意都冇辦法，我估計下一屆仍然由林鄭做特首，不如估下邊個陪跑。
