小心老友變租霸

　　有老友移民去英國，但與大多數移民一樣，移民不賣樓，將自住單位租給一個朋友，而朋友承諾，每月會將租金存入銀行，而租金足夠供樓有餘，叫業主放心在英國安居，幾個月之後，他的朋友不但沒有交租，仲威脅話業主在租物業給他的時候沒有出示銀行consent，是欺騙銀行按揭貸款，根據最近一單ICAC個案，業主是犯了防止賄賂條例，隨時會被判監，所以，業主最好繼續供樓，他的朋友繼續住在那個單位，這樣便相安無事，老友知道之後立刻趕回香港，首先清了銀行的欠款，然後睇吓有冇方法趕他的朋友離開。

　　相信有其他移民離開的香港業主有此經歷，因為當他們做按揭時是聲明用作自住，如果改為出租，銀行可能要求追收一些差額，同時亦會加息，不少移民將自住單位租比相熟的朋友，條件是不會出示銀行consent，這樣做是很危險，即是有痛腳給租客揸住，即使是朋友都係咁話，他們唔交租業主都冇符，無形中鼓勵自己朋友做租霸，所以，如果移民要將自住單位出租，應該老實同銀行講，一定要銀行出consent，這對於銀行，業主，租客都是一個保障，如果唔做，銀行可以隨時收樓，租客可以唔交租，最蝕底的是業主。