今日在海濱長廊跑步時見到一個業餘軍事專家，佢問我美國會不會駐軍台灣協防，我話一定不會，咁樣做不但違返上海公報，同時亦違反聯合國第2758號決議，專家話在政治上一定唔會，但在經濟上是有可能，美國撤出阿富汗的時候，拜登話美國在阿富汗駐軍將會調到亞洲，除了台灣有空位比美國駐軍外，其他國家除了日本都希望美軍快一些撤離，唔會再招惹美國，所以，美軍是有機會進駐台灣，只是軍費問題。
美國在阿富汗19年，用了2萬億美元，平均每年超過1000億美元，台灣一定冇能力支付，就算半價都頂唔順，台灣對中國順差每年是600億美元，今年應該大幅下跌， 所以，現在是否駐軍關鍵是美國可不可大幅折讓，當然中央政府亦會反對，但蔡英文已經唔理咁多，有美國駐軍還可以捱多一陣，如果單靠台灣草莓兵，聽到炮聲已經腳軟，一日都唔知可唔可以守得住，專家即是專家，講到我唔識反駁。
