今早收到一個去年賣大閘蟹給我的人短訊，表示對香港死心，已經移民離開了香港，不過，仍然可以經他訂大閘蟹，我口中講多謝，心中覺得奇怪，既然已經移民離開，應該融入當地生活，唔好掛住港人，更唔應該為港人服務。

　　而事實上有不少人移民離開之後，做的工作與香港人有關，可以說賺香港人的錢，有開 YouTube，有做電台，收香港人的支助，內容當然是唱衰香港，亦有做網購，對象亦是香港人，但亦有不少香港人樂於支持，但由於在海外以這種方法賺香港人的錢的人太多，而且內容亦差不多，如果不是有多少名氣，已經很難搵食，不過開YouTube講下在當地的生活，如何搵工，工作亦不錯等等，不過有做YouTube的人同佢講，香港人移民之後，用錢冇咁手鬆，很快就會取消戶口，所以，他們在YouTube都唔會叫人移民，無謂倒自己米。