香港有很多舊樓都被人落了釘，令到舊區不能重建，除了影響市容之外，亦令到供應減少，有老友問，如何起釘，牛頓先生早已給我們一個答案，用槓桿原理連地球都可以起到，何況小小的一口釘。
有傳聞話林鄭施政報告將強拍成數由八成降至七成，消息未被證實已經令不少物業代理雄心壯志，全香港有唔知幾多幢舊樓已經有超過七成，但未到八成的業主同意強拍，如果強拍成數大降，能夠釋放住宅單位供應量數以十萬個，所以物業代理非常雀躍，面對如此龐大的收樓、強拍、銷售過程，產生非常龐大佣金，而在建樓過程，有關行業的專業人士亦會受惠，無形中活化了樓宇供應的生命鏈。在五年至十年之內，舊樓重建將會為香港提供不少優質單位，對解決房屋問題有極大幫助。而最大受惠者就是持有超過70%而又未到80%的舊樓業主，他們可以避免付龐大的起釘費。
這個世界有人快樂有人愁，我相信那些持有20多個%的舊樓業主最失望，他們本來可以獲得重建業主的豐厚起釘費，但俾林鄭一搞，一切都變回正常，或者，他們可以反客為主，在強拍時奪得整幢物業的發展權，估計以後在強拍時，有一些舊樓不會以底價成交，換句話說，政府可以獲得更多稅收。有人話既然降低強拍成數有咁好效果，點解以為唔做，我都唔知，或者以前香港政府比較弱勢。
