星期六早上有老友到公司，今次不是吹水，而是搵我算賬，老友話昨晚與朋友去卡拉OK，在唱歌時聽到幾位小姐閒談，有一位小姐話剛剛坐完我，收了五萬元小費，其他幾位不遑多讓，搞到佢哋幾個老友，最後每人俾一萬元小費，都覺得得寒酸，而他們知道老友識得我，叫他問這件事是否是真的，如果是，請我唔好搞壞市場規矩。
老友班朋友真純情，歡場無真話，班小姐搵人過橋，昨晚我在中環街市飲了成晚，幾時有去卡拉OK，其實，我不彈此調久矣，就算想去都唔敢，很容易未離開已經被人放上網，所以，有人要求小姐簽保密協議，老友話今次中伏。
有報道說，有網民撰文話老闆結束生意，賣樓移民，將部分賣樓所得的錢分比伙記，每人有幾十萬，有不少打工網民大讚，其實那些無厘頭撰文，冇人冇物，信一成都嫌多，現在傳了出去，那些賣樓移民老闆如果唔分錢比伙記就不是好人，一定會俾伙記鬧。
