有準米子蓮租客話在他租用的舖位附近，搵到一個更大，租金非常優惠的舖位，唔會同我們續租，同事已經提醒，他所搵到的舖位附近其他的舖位，差不多全部都是營業至下午六時，入夜後人流很少，而租客是做外賣小食為主，不足夠人流是大忌，租客話唔怕，酒香不怕巷子深。
同事話已經有著名小食租客頂上，租金多三成，我話並不是租金多少問題，我睇住租客成長，鼓勵他們攞米子蓮，就算要租其他舖位，最低限度都要留返最初的舖位，正是進可攻，退可守，萬一生意不如理想，都可以退守至最初的舖位，其實，我打算叫租客租多幾個舖位，借米子蓮準一星的銜頭做大佢，情況好似添好運，最近被快樂蜂以四億收購，如果租客家人同心協力，開多幾間分店，由中央廚房控制品質，難保幾年之後唔會被國內的上市公司收購，屆時收返幾億就全家人過美麗幸福生活，都唔知邊個講，酒香不怕巷子深，已經害死不少人，其實，酒香最怕巷子深，就算連米子蓮三星，西班牙餐廳鬥牛梗都頂唔住，邊度會有人坐兩小時車去食飯，久唔久一次就會有，沒有回頭客，做餐館又怎能生存，酒香都冇用。
