有朋友遁正途方法移民英國，下個月起行，今早專程到公司話別，問我有什麼提議，朋友基本上是一個小富，移民英國之後亦毋須工作，而事實上他亦不打算工作，移民之後遊山玩水，享受人生。
我話現在移民最緊要的一件事，就是財不可露眼，一定要扮窮，因為現在去英國的都是比較基層，而且走得很倉猝，如果唔工作的話，很難維持生計，但如果要做工，一定要做一些比較基層工作，那些移民恐怕不習慣，由於財力有限，便會向那些財力充足的香港移民埋手，俾人知道帶著幾百萬英鎊移民，都會幾麻煩，所以，我提議朋友去到英國之後，什麼基層工作都做，唔好去貴價餐館，唔好揸靚車，朋友話明白，不過，他今次去只是視察環境，有乜唔對路立刻回流，其實，有很多移民去英國的香港人都有這種想法，不過，報章就很少報導，只會話有幾多人移民離開。
