如果塔利班兩年前攻入喀布爾

　　今日頭條應該是塔利班攻入阿富汗首都喀布爾，在8月初，拜登仲話塔利班冇能力，喀布爾非常安全，在8月中，拜登話香港好危險，言下之意，莫非叫港人移民阿富汗，我相信不會有香港人那麼老襯，移民英國已經是最低要求。

　　有老友話，佢有不少因為參加社運而移了民朋友講，今次真係唔抵，如果兩年前塔利班攻入喀布爾，而美國在撤退時仲狼狽過在越南，相信不會有太多人有興趣參與社運，現在喊都無謂，最大鑊是不可以回流，又唔可以被當地人知道，否則一定會俾人恰死，今次真係俾塔利班害死。

　　老友唔同意，牛唔飲水點可以撳得牛頭低，不過，他亦承認，如果兩年前塔利班攻入喀布爾，參與社運的人一定會減少，我有少少奇怪，言下之意，那些人並沒有怪責慫恿他們參與社運的人，而是怪責塔利班點解唔在兩年前攻入喀布爾，塔利班躺著也中鎗。