唔打疫苗的伙計只是恰舊老闆

　　今日中午有老友請食飯，佢問我公司同事是否全部已經打了疫苗，我話托賴，本來只是一半打了，但某一日，我唔知HR點同其他同事講，突然間全部都走去打疫苗，雖然公司是有獎勵，但時下年輕人，話唔打就唔打，錢對於他們來說是不重要，老友話，他的公司所有同事亦打了疫苗，但做法是暴力一些，他將唔肯打疫苗同事全部解僱，並且準備和勞工處打官司，點知又風平浪靜，都算執一身彩，但炒了一半人，根本是人手不足，更何況現在生意轉好，不過，老友始終唔敢請未打疫苗的人，因為一人確診，公司就要停業21日，始終博唔過。

　　老友問我有冇人可以介紹，不過要打了疫苗，我話有，就是那些被他炒魷的同事，如果他們搵到工作就無話可說，如果還未搵到，不如搵舊同事回巢，話哂大家都合作慣，老友話，搵舊同事冇問題，但恐怕他們唔肯打疫苗，我話放心，他的舊同事在離職後，如果要搵新工，資方一定會問是否打了疫苗，如果話未打，受聘的機會應該不高，既然新工要打疫苗，點解舊工不用打，而事實上不打疫苗的伙計是恰舊老闆，你要在舊同事面前當自己是新老闆，他們就唔敢恰你，一定會乖乖地去打疫苗。