今早在新城電台與施永青做完節目，打算飲一杯咖啡之後回公司，在咖啡廳見到一個曾經在我們公司做過暑期工，畢業之後話要出外闖闖，唔肯幫老豆手的富二代，一個人在飲咖啡，見到我好似見到個水泡，話有事請我幫手，原來富二代出外打工，受盡白眼，做得好就畀人話佢老豆幫手，用人事搭夠，做得唔好就會畀人話，富二代又點，都唔識做嘢，稍為有一日遲返工，就會被照肺，HR話唔照唔得，會惹人講閒話，其他人遲到根本冇問題。
富二代打算回公司做，但一定被老豆話在外面捱唔住，請我同佢老豆講，在外面歷練已經差不多，應該返公司幫手，唔好益街外人，我話小事，包在我身上，不過就要請我飲杯咖啡。
現在移民去其他國家的香港人比往日慘得多，以前，大多數國家的國民都會照顧香港移民，因為當時中國沒有國際地位，現在不同了，他們當香港移民是富二代，動不動就叫香港人回老家，而且，很難找到好的工作，因為他們認為，好的工作應該留返比自己國人，香港人總有一日返回香港，中國强大，反而令香港人更難移民。
