有年輕朋友遲遲未置業，原因是現在通脹低，利息高，雖然他有足夠能力full paid買樓，不如將買樓的資金做定存，收到利息不但夠交租，而且仲有剩，夠食幾餐飯，再等多幾年才買樓，橫掂在低通脹下，樓價都唔會點升，有能力有需要的人都唔買樓，樓價又點會升。
今次真係俾鮑威爾玩殘，用高息壓止通脹，都唔知是什麼理論，老實說，如果利息高於通脹，就唔會吸引到市民消費購物，因為他們知道，用於消費購物的資金收取利息，愈遲買愈有著數，冇人消費，經濟又點會繁榮，所以，一定是通脹高於利息，才會吸引到市民消費購物，唯一可以解釋就是鮑威爾希望在低通脹情況下出現高息，搞到經濟衰退，就可以正正式式減息，不過，用經濟衰退來製造減息條件，似乎代價太大，一般經濟學家唔會考慮，特朗普是一個商人，不是經濟學家，更加唔會用高息壓通脹，美國政府發行了36萬億美元國債，以現時美債4.4%利息計算，每年利息支出大約1.6萬億美元，等於23%國民生產總值，而且是現在國防開支兩倍，所以，
特朗普日嘈夜嘈叫鮑威爾減息，睇嚟唔到鮑威爾唔減。
一般人都知道，高息是不利樓市，但如果是高通脹，市民擔心如果唔買樓，愈遲買會愈貴，即使在高息環境下仍然夠膽買樓，但高息低通脹又唔同，市民擔心用高息買了樓之後，利息支出龐大，但樓價升幅又唔可以抵消利息支出，很可能打消買樓念頭，樓價又點會上升，由於可見，高息低通脹是不利樓市。
特朗普日嘈夜嘈叫鮑威爾減息，睇嚟唔到鮑威爾唔減。