有老友話最近睇了一個非常優質物業，由於業主被銀行call loan，所以叫價合理，但身邊的朋友話樓市仲有得跌，叫佢睇定啲，老友想問我的意見。
我話千祈唔好問我，要問自己，如果覺得物業優質而自己又啱用，就唔好猶豫，否則蘇州過後冇艇搭，但如果覺得物業質素平平無奇，的確可以等多一會，在銀行call loan之下，樓價有機會繼續下跌，但未必可以買到優質物業。
樓市已經下跌了一段時間，亦下跌了不少，現在進入橫行時間，很多人有一個錯覺，認為樓市橫行，
現在買與幾個月之後買冇乜分別，其實分別很大，當樓市進入橫行的時候，優質物業很快就會被消耗，幾個月之後，即使樓價唔跌，甚至輕微下跌，都很難搵到優質物業，到那時候，用今日價錢，只能買到比現在差很多的物業，到那時候，就知道自己蝕了底。
樓市低迷時買樓有一個秘訣，就是要買優質單位，千祈唔好貪平，因為優質單位有一個特色，就是可以用作防守，當遇上另一次樓市低潮，只有優質物業才可以出售，唔好睇少這個功能，分分鐘是救命，如果貪平買入一些不甚優質的物業，到有需要時，那些單位物業就算更平都冇人買。
當遇上優質物業，唔好將樓市前景放在首位，首先是自己實力，其次是物業質素，如果有能力，千祈唔好睇樓市睇得咁差，甚至唔好理樓市前景，否則，就永遠活在恐懼之中，買唔到優質物業。
現在買與幾個月之後買冇乜分別，其實分別很大，當樓市進入橫行的時候，優質物業很快就會被消耗，幾個月之後，即使樓價唔跌，甚至輕微下跌，都很難搵到優質物業，到那時候，用今日價錢，只能買到比現在差很多的物業，到那時候，就知道自己蝕了底。