己所不欲 勿施於人

　　今日中午跑步，有跑友話近日被銀行call loan call到失魂，最後同銀行家講，銀行都唔鍾意存戶攞返啲錢，點解又向按揭客戶追數，由於物業並不能夠即時賣出，迫到不少客戶走頭無路，甚至搞到破產，對銀行亦冇得益，都唔知銀行點解要咁樣做。

　　有人話銀行是好天遮，其實，存戶都可以是好天遮，如果存戶向銀行取回存款，相信冇一間銀行可以頂得住，不過，香港人對銀行信賴程度很高，除了多年前海外信托銀行事件之後，就唔見香港銀行有事，今次銀行call loan，其實是失了市民對銀行的信心，如果謠傳某一間銀行出事，市民一定會攞返啲錢，就會出現擠提，銀行要明白己所不欲 勿施於人，銀行都唔想存戶突然間攞返啲錢，唔想擠提，點解無端端要call loan。