有老友同我講，以前的下屬很聽話，就算他講的說話不正確，下屬都唔敢駁咀，而且亦不會拒絕加班，現在唔同，開會的時候如果老友講得唔啱，隨時被班伙記反駁，莫講話加班，就算放工後叫下屬去happy hours ，或者食晚飯，隨時會食檸檬，究竟點解。
我話恭喜恭喜，老友班下屬一定搵夠錢，而且沒有房貸，所以唔使聽老闆話，到了這個時候，不需要念舊情，炒了
那些沒有房貸下屬，搵返一些有房貸，等錢用的下屬，否則就無兵可用，既然現有的下屬唔等錢用，好聚好散亦是一個好結局。
老友又話，最近銀行叫佢買金融產品，在往時，就算極之不情願，就算手頭好緊都會買返多少，今次直接拒絕，銀行職員話明白，沒有死纏爛打，究竟又點解。
我又恭喜，並且話情況就好似唔聽話的下屬，冇房貸的下屬夠膽駁咀駁舌，如果冇問銀行借錢，就唔會買銀行推薦的金融產品，負責的銀行同事亦知道，所以他們並不會死纏爛打要求客戶買金融產品，他們明白貸款與金融產品是相輔相成，銀行唔貸款就唔會幫襯買金融產品，銀行與客戶亦明白這個道理，銀行職員亦不會強求，不過大家又不用擔心，銀行會借錢俾一些新客戶，同時會要求他們買金融產品，銀行的生意會繼續運作，不會停下來。
