近日有不少睇淡專家評論樓市，已經失去耐性，已經唔需要用任何理由話樓市下跌，其實，樓市可能靜雞雞回升，最新資料顯示，最近成交的樓宇買賣，雖然仍然要蝕讓，但百分比竟然低過中原指數，今日中原指數比最高峰時下跌了
28%，但最近樓宇成交下跌了20%，比中原指數少很多，這是不可能的事，因為記者會搵一些蝕錢比較多的個案刊登出來，有錢賺當然唔會，就算蝕少少都唔會刊登，所以，我有理由相信，樓價已經靜雞雞回升。
我明白，專家一定明白，由於專家一直唱淡樓市，如果樓市此時此刻回升，就會影響他們的專業水平，所以，專家們盡地一煲，預測樓價大幅下跌，當樓市下跌之後，他們就會用任何理由話樓價即將回升，老實說，如果連減息都唔可以令樓價止跌回升，就冇嘢可以令樓價上升，我都要轉軚講樓市下跌。
