有人話最近有不少找換店執笠，不但不是執一間開返1.6間，由於舖位太細，不適合做其他零售生意，所以舖位根本沒有重開，香港冇運行了。
由於中央政府對非法資金進出的打擊雷厲風行，海關執法甚嚴，就算以往經找換店進出的資金，現在只能以螞蟻搬家形式運嚟香港，一般人都唔敢幫襯，找換店冇生意執笠亦是正常，毋須大驚小怪。
國家打擊非法資金進出，甚至洗錢活動，香港不但不是受害者，甚至可以話是受惠者，一向以來，我認為新加坡
完勝香港就是可以半公開洗錢活動，開戶口又非常容易，唔似得香港要查家宅，甚至用BVI公司持有物業或者做生意，令到有大量資金經新加坡逃離中國，就算被新加坡政府指洗錢是違法，暫時最高判刑只是14個月，由此可見，新加坡並不會認真打擊洗錢活動，只不過做些門面功夫俾中國政府睇吓。
新加坡好似一間找換店，經常有不合規定資金交易，當然不是一間普通找換店，而是一間比銀行還要大的找換店，不但巨額資金可以自由進出，而且私隱度亦非常高，一向深得有需要人士歡迎，就算香港是一間銀行，都難以匹敵，因為所有資金來源，出出入入，都要有證明，過往有不少中國富豪資金去了新加坡，現在冇呢支歌仔唱，反而就算是合法資金都唔敢去新加坡，否則很容易令中央政府誤會資金的來源有問題，那些資金經合法途徑來港，香港要把握新加坡今次打擊洗錢的機遇，將打算流向新加坡資金搶返嚟，否則就浪費中央政府一番好意。
香港政府亦可能一早收到這個訊息，所以在兩三個月前在毫無先兆下將打擊樓市辣招全撤，目的就是要方便國內人在香港買樓，如果香港政府收到訊息都唔識得撤辣，不但捉到鹿唔識脫角，仲浪費中央政府一番心意。
完勝香港就是可以半公開洗錢活動，開戶口又非常容易，唔似得香港要查家宅，甚至用BVI公司持有物業或者做生意，令到有大量資金經新加坡逃離中國，就算被新加坡政府指洗錢是違法，暫時最高判刑只是14個月，由此可見，新加坡並不會認真打擊洗錢活動，只不過做些門面功夫俾中國政府睇吓。