我讀中學時，有一個一向成績優異的學生，在最後竟然被篩出校，學校校長與教師都不明白，以他這樣的一個的優異生，點解會被篩出校，唯一解釋就是那位學生溝女，原來唔係，那位學生是躺平，最後一年根本唔讀書，亦不再乎成績，在咁關鍵時刻出現反常行為，大家都百思不得其解。
那位學生同我很老友，他很羨慕我有一個非常開明的阿媽，只要我升班，她已經很開心，其實升班絕對不容易，中一有四班，每班40人，到中六時只得一班，30人，同學話佢阿媽永遠不滿足，就算每一次升班都會被阿媽怪責，點解唔可以再好啲，尤其是畢業前一年，最後同學選擇躺平，佢阿媽反而安慰佢，仲話讀書並不是唯一出路，同學話如果佢阿媽早一年咁講，他一定可以畢到業，不過，亦不是什麼大件事，同學重讀，下一年以極好成績畢業。
銀行call loan，追差額已經一年，不少物業投資者以及持有多個物業的業主在無法滿足銀行需求下，最後竟然選
擇躺平，不但唔會補差額，甚至連利息都唔俾，銀行當然可以沒收物業，變成銀主盤之後公開拍賣，但數量實在太多，如果銀行咁樣做，一定會推冧樓市，而且，由於借貸比率不高，拍賣之後仍然有大筆餘額退回給客戶，咁樣做會失了一個客戶，即是倒自己米，有銀行家同我講，現在只是希望那些躺平客戶還息就可以，至於本金，由於借貸比率不足五成，唔還的風險亦不大，如果銀行家一早咁樣做，邊度會有客戶躺平，現在唯有一辦法就是對借貸比率合符金管局要求的客戶採取還息不還本，對金管局，銀行以及客戶來說，是一個最好辦法。
擇躺平，不但唔會補差額，甚至連利息都唔俾，銀行當然可以沒收物業，變成銀主盤之後公開拍賣，但數量實在太多，如果銀行咁樣做，一定會推冧樓市，而且，由於借貸比率不高，拍賣之後仍然有大筆餘額退回給客戶，咁樣做會失了一個客戶，即是倒自己米，有銀行家同我講，現在只是希望那些躺平客戶還息就可以，至於本金，由於借貸比率不足五成，唔還的風險亦不大，如果銀行家一早咁樣做，邊度會有客戶躺平，現在唯有一辦法就是對借貸比率合符金管局要求的客戶採取還息不還本，對金管局，銀行以及客戶來說，是一個最好辦法。