最近有一間連鎖式茶餐廳執笠，原來已經欠租五個月，唔知點解，執笠群組竟然收唔到消息，如果係其他舖頭，好似山頂餐廳，未開門營業已經話擬似執笠，或者是同路人輕手一啲。
有老友問我，那間茶餐廳點解會執笠，我認為是改錯名，而且是兩次，做飲食一個戒條，如果食肆餐廳改名，叫阿嫂可以，叫阿哥不能，灣仔有一間叫阿嫂茶餐廳旺到阿媽都唔認得，舖位加大一倍仍然要排隊，如果那間茶餐廳叫阿哥可能有相反效果，人客入嚟幫襯已經變咗做客官，又點可能要求客人叫你做阿哥，如果連呢啲都唔識，執笠真係冇得講。
老友唔明白我點解話那一間執笠茶餐廳錯了兩次，其實，從法文直譯是乜哥的茶餐廳，但唔知點解變成大乜哥茶
餐廳，入嚟幫襯的客人立刻變成小弟弟，我就唔介意，不過有很多人非常介意，有人介意，生意自然差了，執笠亦唔出奇。
不過話分兩頭，如果出品好，服務佳，就算叫阿哥，生意都可以做得很好，否則，叫小弟都冇用，香港人是非常現實，不少人唔滿意中國政府，但經常北上消費，仲代為推廣，話深圳平靚正，唔知道內情的人以為他們是親政府分子。
不過，如果是別人主動叫阿哥，真的是值得自豪，只有是行頭領軍人物，或者是社會精英分子，才會被人稱做阿哥，如果是自己認做阿哥，只會令人敬而遠之，有邊個人鍾意叫一個唔識的人做阿哥，仲要俾錢佢賺。
餐廳，入嚟幫襯的客人立刻變成小弟弟，我就唔介意，不過有很多人非常介意，有人介意，生意自然差了，執笠亦唔出奇。