有老友話，昨日我在明報的文章講到國內樓價下跌，最大原因是人口減少，究竟點解會人口減少，以前一孩政策，很多父母寧願被罰都要生二胎，甚至三胎，現在一孩政策已經不復存在，中央政府甚至鼓勵生育，但結婚的人不但減少，即使結咗婚，對生孩子的意慾不大，已經有兩萬間幼稚園結業，究竟點解國內人現在唔想結婚，又唔想生仔。
李後主丟了個江山之後，所寫的詩詞非常憂鬱，講到舊時個江山就會話，無限江山，別時容易見時難，現在年輕男女婚姻就是別時容易結時難。
現在國內男仔娶老婆絕對不容易，從相親開始，已經被女方問有冇車，有冇房，車款是不是BBA，房是不是在市
中心，初次相親的男仔會以為BBA是商科本科，原來唔係，BBA分大小，小BBA是賓士，寶馬，奧迪，大BBA是賓利，保時捷以及阿士頓馬田，如果有BBA，機會當然大很多，到了談婚論嫁，第一關是彩禮，小BBA就一百幾十萬，大BBA一定要百幾兩百萬，好不容易結了婚，男方已經被榨乾搾淨，都唔敢生兒育女，到還清債務，可能已經是十年八載的事，老實說，女方要求咁高，又有幾多男仔做得到，最後，結婚的人數減少，出生率自然會減少。
就算結婚難，如果雙方唔離婚，出生率都不會斷崖式下跌，但在國內，離婚是很容易，而事實上在雙方結婚已經計好哂數，婚前財產是屬於某一方所有，婚後所搵的資產才是雙方共同擁有，很多時男女雙方一言不合，一句話明早民政局見，咁就可以離婚，試問咁容易離婚，雙方又點敢要小朋友，冇人願意生小朋友，中國人口下跌是極之正常，即使放寬一孩政策，對人口增加的作用不大，最緊要是多啲人結婚，少啲人離婚。
中心，初次相親的男仔會以為BBA是商科本科，原來唔係，BBA分大小，小BBA是賓士，寶馬，奧迪，大BBA是賓利，保時捷以及阿士頓馬田，如果有BBA，機會當然大很多，到了談婚論嫁，第一關是彩禮，小BBA就一百幾十萬，大BBA一定要百幾兩百萬，好不容易結了婚，男方已經被榨乾搾淨，都唔敢生兒育女，到還清債務，可能已經是十年八載的事，老實說，女方要求咁高，又有幾多男仔做得到，最後，結婚的人數減少，出生率自然會減少。