上星期三港交所公報業績，跌了10幾個％，比想像中好，業績下滑除了成交量下降，又減了佣金，IPO去到世界第10名，樣樣都唔係好消息，有這個成績，反而是好消息，所以，港交所連升幾日，由低位反彈20％。
有人問我，港交所如何吸引多些新股來港上市，我話要用一個方法，叫千金買馬骨，話說在戰國時代，有一個公子非常喜歡名馬，但唔知點解，始終買唔到一隻名馬，於是派手下四出尋找，其中一個手下不負所托，知道有人放售一隻名馬，但去到之後，原來名馬已經死咗，手下仍然以半價買下這匹名馬馬骨，回到封地後，手下俾公子鬧到狗血淋頭，手下解釋，養名馬的人知道，公子願意用千金買馬骨，又點會唔將名馬介紹俾公子，話口未完，已經有養馬的人帶名馬晉見公子，結果當然是公子以後買到不少名馬。
我聽人講，由於港交所把關甚嚴，可以在香港上市是很困難，在香港上唔到市的公司最後去了印度等其他地
方，最後香港被擠壓到排名第10，其實，如果港交所稍為寬鬆，一定有不少公司希望在香港上市，但即使港交所有意寛鬆，但又如何向市場釋放這個意識，港交所負責人其實可以參加戰國策之千金買馬骨，不過就要反其道而行。
如果一隻股票在上市之後連續下跌三、四成，好似上星期新上市的公司，唔使講大家都知道那隻股票不具上市能力，但咁樣股票都可以在香港上市，即是港交所放寬上市要求，現在申請緊上市的的100隻有很大機會可以上市，當然，一定會有人質疑，那些股票點會有人買，大家又唔使擔心，上得市的公司，一定有很多老友認購，輸錢大多數是那些人，不會傷及一般市民，而港交所的目的已達，雖然第一季集資唔夠50億，但今年千億上市要求是有機會達到，而且，愈多公司上市，就會帶動有關行業，例如律師會計師等，甚至甲廈都會得益，至於輸錢的人，都是與上市公司有關，大家又不用擔心，他們是絕對開心，因為除了晉身上市公司主席及要職之外，仲揸住一隻以為好值錢的殼，股價下跌，輸少少錢就當使費。
當愈來愈多公司在香港上市，就會出現十濁一清的現象，間唔中都會有一隻股票大幅升值，就好似去澳門賭錢，久唔久都會有一個贏大錢，令到去賭錢的人以為可以贏大錢，而不斷去澳門賭錢，如果大家都咁理性，澳門賭場早已被執笠關注組關注，而事實上只有更多公司在香港上市，才可以恢復香港成為世界金融中心地位，千祈唔好孤芳自賞，曲高和寡是投資界的物質不變定律。
方，最後香港被擠壓到排名第10，其實，如果港交所稍為寬鬆，一定有不少公司希望在香港上市，但即使港交所有意寛鬆，但又如何向市場釋放這個意識，港交所負責人其實可以參加戰國策之千金買馬骨，不過就要反其道而行。