有老友問點解睇好香港股市比睇淡的人多出以倍數計數，但結果是適得其反，香港股市跌到唔識翻身，甚至連港交所總裁歐冠昇都冇眼睇，話香港股市接近投降點，究竟投降點是好是壞，有甚麼啓示。
雖然不少股票投資者話港股健康正常，又沒有大型上市公司結業或者出現財
政問題，銀行亦沒有壞帳，只有一些有抵押暫時未能收回的貸款，唔明白點解會下跌，但是他們口是心非，話就話股市正常，但實際行動沽港股，而事實上股票市場太多這類人，所以大家雖然聽唔到香港股市有甚麼特別壞消息，但恆指不斷下跌，不過跌還跌，始終有一條底線，而這條底線就是歐冠昇所講的投降點。
歐冠昇所講的投降點可能是一個學名，可能要寫一篇博士論文才可以清楚解釋，我相信一般人是不會明白，所以，我以香港人的角度去睇甚麼是投降點。
我相信大部分香港人，即使他們從未玩過百家樂，都應該知道投降輸一半這個道理，我估計投降點的意思就是在這個點賣走港股，在一段時間內會發覺自己輸了一半，歐冠昇在恆指接近1萬5千點時候講接近投降點，所以，有機會1萬5千點就是投降點，而在百家樂投降的人都會是莊家手牌太強，自己手牌太弱，否則，即使莊家揸A屎面都唔會投降，股票市場也是一樣，即使現在股市不斷下跌，淡友的天下，但如果不是借了太多孖展，現在一定要將股票賣走，想唔投降都唔得，否則，現在點都唔會賣，現在賣股等於投降，就一定輸梗，以後冇得翻身，否則，大多數股票的質素都唔錯，又有股息收，如果唔投降，日後可能收復失地，不過，這是我樂觀想法，歐冠昇先生可能叫大家大1萬5千點之前投降，否則有機會輸多一半。
政問題，銀行亦沒有壞帳，只有一些有抵押暫時未能收回的貸款，唔明白點解會下跌，但是他們口是心非，話就話股市正常，但實際行動沽港股，而事實上股票市場太多這類人，所以大家雖然聽唔到香港股市有甚麼特別壞消息，但恆指不斷下跌，不過跌還跌，始終有一條底線，而這條底線就是歐冠昇所講的投降點。