港人離境稅只是蠢蛋條款

　　早兩日，有老友睇完新聞之後大鬧自由黨班友仔有冇咁蠢，對於大量港人北上消費，沒有設法自我增值，反而要求政府開徵港人離境稅，比當日的限奶令更冇腦，雖然飲食界黃家和較早前亦表示開徵陸路離境稅是可以阻止市民北上消費，但稍後已經話當時是受到記者誤導，他自己是絕不支持陸路離境稅，黃家和可以話記者誤導，但自由黨班大哥硬打硬開記者會，不能夠話記者誤導，擺到明是向政府施壓力。

　　我叫老友唔好咁心急鬧自由黨，今次與限奶令不同，當時有關團體只是有一個要求，就是推行限奶令，政府只有推與不推的選擇，結果是推出了限奶令，我唔講大家未必知道，深圳亦推出類似限奶令，不過告示放在不顯眼地方，大家很難察覺得到，自由黨人一定知道，如果政府推出港人離境稅，深圳就會推出同樣稅項，立刻少了大量遊客從深圳來港，試問自由黨人點孭得起呢隻鑊，我認為港人離境稅只是蠢蛋條款。

　　自由黨今次提議與當日限奶令不同，當日只得一個要求，今日除了港人離境稅之外，還有退稅，撤銷辣招稅以及設立長期夜市的地方，自由黨知道最差的合約就是不能改動的合約，政府冇可能接受所有提議，所以，不如加多一兩個提議，除了港人離境稅之外，退稅也是蠢蛋提議，如果政府否決這兩項而接受撤辣與夜市，自由黨就可以說是大功告成，如果自由黨的主要目的是開徵港人離境稅，其他的是蠢蛋提議，咁就真係太蠢，老實說，現在講吓都畀人鬧，估計冇團體夠膽叫政府開徵港人離境稅。