如果樓市回暖，收租佬有機會面對一個難題，就是手上最優質的租客要離開，如果唔係有經驗收租佬就會覺得很奇怪，三年疫情都可以捱過，到一切慢慢回復正常，租客反而要離開，有經驗收租佬就知道會出現這個情況，除非打算將物業賣比租客，否則，那些生意做得唔錯，而又有長遠計劃的租客有機會離開，這是收租行業的物質不變定律，千祈唔好解讀錯誤，以為業主是無良，當樓市回暖，就立刻加租加到租客要離開。
我是一個收租佬，當然唔希望做得唔錯的租客在樓市回暖的時候離開，但如果我是租客，知道自己生意做得唔
錯，就會趁樓市仍未完全復甦時向業主買入自己租用的物業，平時平候，如果業主唔等錢用，就算租客願意付出溢價，業主亦未必會賣，但今日唔同，利息在一輪急升之後，不少收租業主已經捱唔住，不過他們並不是冇錢，只是現金流不足，只要賣走三幾個物業，大多數收租業主都可以解決財困，渡過燃眉之急，所以，如果租客現在向業主出價買樓，不但水到渠成，出現一個雙贏局面，甚至價錢亦會低於市價。
不過，又唔係每一個租客可以如此高瞻遠足，不少賺緊錢租客認為業主一定要租給他們，不但不會買入自己租用物業，就算買都會大力壓價，除非迫不得已，大多數業主都不會就範，反而會簽一張稍低租金，年期較長租約，但租約到期，租客有很大機會會離開，大家有時會見到一些生意不錯的名店，在風平浪靜之下突然結業，理由是在環境不好的時候沒有出價向業主買入租用單位，並且壓價要求簽一張低於市值租金的長租約，租約到期當日，租客有機會不會續約，並不是業主無良，只是租客無義，業主無情。
錯，就會趁樓市仍未完全復甦時向業主買入自己租用的物業，平時平候，如果業主唔等錢用，就算租客願意付出溢價，業主亦未必會賣，但今日唔同，利息在一輪急升之後，不少收租業主已經捱唔住，不過他們並不是冇錢，只是現金流不足，只要賣走三幾個物業，大多數收租業主都可以解決財困，渡過燃眉之急，所以，如果租客現在向業主出價買樓，不但水到渠成，出現一個雙贏局面，甚至價錢亦會低於市價。