星期六有財神到

　　星期六牛記笠記返工，點知有物業代理帶了幾位客人買我們的物業，出價非常好，真的是星期六有財神到。

　　幾位客人包括物業代理都西裝骨骨，搞到我唔好意思，市傳昨日信德招商局大廈有一層以7.78億成交，呎價3萬，業主在1996年以大約3億買入，持貨27年，賺4.76億，物業代理知道我們在招商局有一層，比傳售出的一層還要高幾層，而我入價是2.7億，在2011年買，持貨只有13年，客人的出價比昨日傳出售的高，問我考不考慮，我話星期六腦閉塞，開幾支酒飲吓，鬆弛一下才考慮，於是大家飲酒。

　　我買那層樓的時候政府已經出辣招，不少人話樓價有排跌，一定會替公司輸大錢，我話如果唔係替公司立了咁多功勞，早已被炒魷，今日我買中環中心又一樣畀人嘈到癲，我問客人，如果同樣是30000元一呎，他們會揀中環中心抑或信德招商局大廈，我唔講答案，大家自己去諗，小小貼士，中環中心28樓的成本是大幅低於3萬。