今早開會,有同事話點解我會同一個在地產行業裏名不經轉的人討論樓市,求其派
個同事去就可以,我話今次是畀面派對,畀面主持人,否則一定唔會出席,名不經傳唔緊要,正所謂英雄出少年,但對方竟然話未買過樓,比紙上談兵還大鑊,當日趙括對考成王講佢從未輸過,而廉頗則輸到一仆一碌,所以應該要用佢抗秦,而事實上趙括從未打過仗。今日未買過樓即是未輸過,而我們投資地產咁多年,一定有贏有輸,一個未輸過的人對一個輸過的人,結果是我輸了,所以我參加討論真係蠢到加零一。
同事話收到消息,對方雖然在香港冇買樓,不過在葡萄牙有買,我話真大膽,我識葡文都唔敢投資在葡萄牙,沒有評論,而事實上香港地產有最強監管制度,如果唔敢在香港投資,千祈唔好考慮去其他地方投資。