星期五早上雖然是8號風球，但我仍然返工處理一下日常文件，有老伙記亦返了公司，我話8號風球，點解唔休息一下，佢話屋企人多，而且睇怕要連續兩日掛8號風球，即是有三日假期，在屋企會很悶，不如返工仲好。
老伙記知道我不時同即將退休的朋友講，如果唔想退休，一定要有一
個心理準備，就是要付出更多，收獲更少，甚至要放下身段，咁樣或者可以延長工作年限，不同意我見解的人大多數已經退了休，同意的有不少仍然在原公司工作，這是職場上小寶神功最後一章，但很多人都不明白這個道理。
有老友曾經問我，他已經到了退休年齡，有乜辦法可以唔使退休，我話辦法是有的，但是他未必願意去做，首先同老闆講，如果需要他繼續效勞，他是非常願意，而且可以八折支薪，到真正退休時都唔會加薪，如果老闆接受，千祈唔好認為收八折人工，交八折貨，經常遲到早退，又話要與老婆去旅行，咁樣做老闆唔會忍好耐，總有一日他去完旅行，回到公司後老闆就會話唔好阻住佢退休，立刻搞一個歡送會，更加唔好講移民，否則老闆立刻炒魷，試問邊會有老闆喜歡請一個隨時可以離職的伙記。
有不少老伙記都有自己的辦公室，在退休之後，如果可以復職，就要放下身段，立刻放棄自己辦公室，就算老闆拒絕，自己都要堅持，咁樣做老闆一定會話孺子可教，仲有一樣，在退休復職之後，身邊已經冇兵冇將，所以甚麼事都要自己去做，甚至要做身先士卒，如果可以做到上述要求，做多五年應該是沒有問題。
個心理準備，就是要付出更多，收獲更少，甚至要放下身段，咁樣或者可以延長工作年限，不同意我見解的人大多數已經退了休，同意的有不少仍然在原公司工作，這是職場上小寶神功最後一章，但很多人都不明白這個道理。