星期一早上開例會前，有同事話香港自殺率很高，尤其是長者，去年有1080人自殺，長者超過500人，在以往，只有長期有頑疾長者才會考慮自殺，因為知道如果他們自殺，其他人點樣睇他們的子女，唔使講一定會話子女不孝，所以，即使生活得很辛苦都唔會自殺，不少老人長期
坐輪椅，生活亦要人照顧，但始終唔會自殺，就是唔想別人睇少他們的子女。
我記起有個老友最近與老婆雙依為命，並且將自住單位賣走，所得現金大部分給予子女用作移民，自己租樓住，於是叫暫停例會，立刻打電話畀老友了解一下他的情況，佢話冇穿冇爛，子女亦算孝順，每星期都會視訊，每月都會替他們交租，老友生活得頗為寫意，問老友點解他的子女咁聽話，佢話很簡單，如果子女唔替他交租，他話唔定會自殺，等子女背上一個不孝之名，嚇到他的子女唔敢唔替他們兩老交租。
老實說，老友算好彩，有不少用BNO身份去了英國的香港人在離港之前與父母斷絕關係，並且將自住單位賣走，最初都會租樓畀父母住，但後來會認為香港政府有責任供養他們已斷絕關係的父母，於是叫兩老自己申請公屋，攞綜援，不少移英港人的父母都是中產，一生人從未住過公屋，攞過綜援，未必可以放下尊嚴去申請，當積蓄用完，又聯絡唔到子女，或者是子女不再照顧他們，有可能會選擇自殺，作為對他們子女的控訴。
撒瑪利亞會冇解釋點解有咁多長者自殺，是否子女與他們斷絕關係，甚至失聯，其實中國人有講，親生仔不如近身錢，唔賣咗層樓，子女都會孝順一些，不但經常視訊，就算自己唔能夠返香港，都會叫孫仔返探爺爺嫲嫲，賣咗樓就真正斷絕關係。
坐輪椅，生活亦要人照顧，但始終唔會自殺，就是唔想別人睇少他們的子女。