有很多分析員預測樓市在今年下半年會跌大約5-7%，耗盡今年上半年升幅，我認為不用太悲觀，在政府放寬逆週期措施之後，銀行暫時停止追差額，有迫切性賣樓的人減少，樓價下
跌的壓力減少，所以，樓價在下半年可望保持平穩，是否能夠上升，則要睇推動樓市的兩大動力是否會出現，如果雙雙出現，樓價想唔升都唔得。
首先是利息，現在唔敢買樓的人並不是付不起首期，而是擔心利息繼續上升，老實說，利息現在已經是處於一個非常高水平，一般定期都有5%，有咁好收入，又點會買樓，就算自住都唔會買，如果以五成首期計算，5%定存，利息收入就可以租到一個打算買的單位，而且以後仲唔使供樓，沒有買樓自住的人買樓，樓價又點會上升，況且，定存都有咁多利息，借錢買樓的利息更加高，而且仲唔知道美聯儲局幾時停止加息，就算買樓都要等利息有明顯下跌的時候才考慮，所以，高息對樓市絕對不是好消息，這些阿媽是女人理論，不講也罷。
另外一個動力是租金，如果租金上升，空置率又低，最終樓價亦會上升，現在買樓收租的人幾乎絕跡，除了利息高企之外，如果香港人買第二個單位，又要付15%辣招印花稅，冇人買樓收租，供應自然減少，但來港的專才以及學生多了，令到租盤供不應求，不但租金上升，甚至有租客願意先付一年租金，如果租金持續上升的話，自然會多了人買樓收租，回報提升，樓價自然會上升，如果利息下跌，升幅就會很明顯。不過，有不少人話，在過去五年內買樓的人，到現在大多數都要蝕10幾個％，由此可見，買樓並不是好投資，但沒有比較就沒有真相，如果在五年前買股票，以恒生指數計算，大多數蝕了四成，比買樓投資蝕得仲多，所以，買了股票的人笑其他人買樓投資，一百步笑五十步而已。
跌的壓力減少，所以，樓價在下半年可望保持平穩，是否能夠上升，則要睇推動樓市的兩大動力是否會出現，如果雙雙出現，樓價想唔升都唔得。